Inchanp’itarakua

Enka xu xarhataka jintesti jirhinhanskua ma enka uejka xeni jimpanhi uku ka mitiku Michoakanirhu anapuri, antropología ka diseñuri uerhatini.

Jucha uekasini k’erani uekaku mitikurhu ka uekaku ukaticha iretaru anapuchari, inte ampe jinkoni enka isï ukuerieka. Jucha uekasïni eska mitipantaka, uricha jimpo, na xani importantieka ukaticha iretaru anapuchari, intechani jinkoni enka ujka. Ka istu, jucha jirhinhaxini solucionicha enka arhinhajka formales, funcionales ka estéticacha. Inte isï uekaxini arhini eska ukuristi pari sesi pantani enka nu sesi jauaka jurhenkuriakuri anapuecha ueratini, ka enka unka servirini k’uiripuchani ka sesi jaxiticha. Jucha uekasini uni maturuchani jinkoni, ka no pari maturuchani.

Jucha uenaskacha Cuanajurhu Michoacán, irhertarhu p’urepicha ma enka aka municipio Patzcuarurhi, enka nu iauani aka Morelia uerhatini. K’uiripu enka Cuanaju anapuka isï mitinhaxini jimpoka unhasini iamu ampe k’ireriri, xirijtakuecha patakueriri ka irinharicha, ka isï unhasini ioni ioni uerhatini anapu. Enka jucha uejka uni arhistiksi:

- Uni nani sani oka marku untani mama jarhati ukaticha enka janhanstaka nena jarhaski cultura, arte ka diseñu uerhatini .

- I proyectuchani, enka marku untaka arte ka diseñu ka antropología uekasïnha jarojpini jurhenkuarichani enka ENES Moreliani akaksï.

- Terokutani enka xu ueraka enka majkuntka maturu iretarucha jinkoni. Ka istu jorhenkuarichani jinkoni ka jurhenatichajtu.